究竟香港政府知唔知教育係乜？

教育局為餌誘名校自願減班，教育局局長孫明揚昨出口術，一邊稱考慮放寬超額教師留校安排，另一邊威嚇名校若不減班，將受「上移錯配」拖累，收取成績次等學生，窒礙教學。

孫明揚威脅若各區 Band 3中學停辦， Band 3學生便會入讀 Band 2或 Band 1中學，出現上移錯配現象，「增加差異，令教學上困難，教得快佢哋追唔上，教得慢阻住其他學生學習」。

究竟佢知唔知自己講緊乜?殺校的話,Band 3生會去咗Band 1學校,咁縮班呢?Band 1生都可能跌落Band 5學校喎,咁你咪害咗佢,扼殺咗佢前途,佢本來可以讀大學架,俾你攪一攪,去到Band 5學校,學識索K,加入黑社會,打架,擘友,呢條數又點計呢?可能教育局改得太多,害得太多學生,你都麻木哂囉!!!

學生從來就分等級,人口每年都有多寡,當年殺校一着,就已經係做錯,學校收生不足,自然會關門大吉!辦得好,多學生嘅,辦學團體自然會開多間!你根本唔駛咁多事.你想為政府慳錢丫嘛,咁咪超錯囉！教育係一種不望回報嘅長遠投資,你依家教一個小學生,可能要到佢退休,佢先可以將一生所學,貢獻社會.你話值唔值?要計就不如唔好辦教育啦,各位家長為子女前途着想,送佢地去英美澳加啦@@!